قصة رعب
دلوقتى نشوف اختك
قولتله شكرا يا شيخ الله يجازيك خير يارب
اتفتحت تانى جيت عشان افتح الاوضه لقيت الشيخ بيقولى
استنى انتى خليكى برا لو سمحتى
حاضر يا شيخ حاضر
دخل الاوضه و قفل الباب لقيته بيقرأ قرأن و صوته بيعلى و هى صوتها بتعلى بتصرخ و صوتها بيبدأ وحده وحده يخشن لغايه ما بقى صوت راجل مش عايزه اقول صوت راجل ده حتى مش صوت راجل
ده صوت جاى من الچحيم بيقول كلام غريب و الشيخ مبيعملش حاجه غير انو بيقرأ قرأن سوره البقره
مش قادره أقف هنا اكتر من كده انا هيجيلى اڼهيار عصبي لو كملت هنا مشيت وقفت فى الشارع على امل انى
الاقى اختى تانى بس لحظات و الشقه ولعت و الناس جريت عشان تطفيها مش بتطفى
و حرارتها أثرت على المنطقه بحالها اكن الشمس بحالها نزلت على المنطقه دى
الناس بدل ما كانت بطفيها بقت بتجرى
مش عارفه اعمل ايه انا مڼهاره و حاسه ان انا فى حلم عمال ادعى اقول يارب لغايه ما انطفت فى دقايق لوحديها
الناس بدأت تتجمع تانى عشان تشوف فى ايه
بس انا مكنش يهمنى غير اختى طلعت أجرى أجرى على امل انى اشوفها دخلت الشقه كانت عباره عن فحم اسود مفيش
اثر للشقه قربت من نحيه الاوضه لقيت الصدمه
لقيت الشيخ على الأرض و لقيت اختى
اختى بتبصملى و ضحكت و بتقولى بصوت شيطانى
مش قولتلك راندا بتاعتى انا
غبت عن الوعى وقتها و فوقت لقيت نفسى فى مستشفى مش قادره افكر فى اللى حصل دماغى وجعانى اوى انا مڼهاره من كل
حاجه و لسه هبدأ هعيط لقيت حاجه جمبى حاجه مكنتش عاوزه اشوفها لقيت الكتاب جمبى ايوه جمبى
مستنياكى يا اختى
